Schola Vestōniāna Classica, Lutetiae in Tennēsiā sita, curriculum antīquitāte imbūtum, novīs vērō methodīs prōmōtum praebet. Hīc discipulī prīmīs ā rudīmentīs per magistrātiōnem operam eīs rēbus dant quae vītae, hūmānitātī, et in officiīs praestantiae prōficiunt. Inter hās adnumerāmus rem nātūrālem vīvāciter explōrātam, historiam sincērē vestīgātam tractātamque, latīnam linguam ūsū corrōborātam, litterās sacrās contemplātās, atque artem mathēmaticam magnā cum cōnstantiā exercitam. Magistrālī operā vigēmus et, quum modestum discipulōrum numerum ēducēmus, magis cuique attendere studēmus eō pāctō quō, prout ingenium cuiusque varium sit, ērudītiō accommodētur. Quum librōs, tum lūsūs adhibēmus, ūnā profectō cum validō commerciō inter praeceptōrēs et alumnōs, ut animus et mēns pariter et fēlīciter dē industriā effingantur. Haec nostra prīncipia scholae classicae et Chrīstiānae praestāmus et prōpōnimus dissēminanda.